Agnar Prestá
Atletico Madrid kunngjørdi í gjár, at felagið hevur longt sáttmálan við høvuðsvenjaran, Diego Simeone. Tað er ikki uttan orsøk. Síðani hann kom til í 2011, hevur fyrrverandi leikarin í felagnum, gjørt sítt til at Atletico kann bjóða Barcelona og Real Madrid av í oddinum í La Liga, og í evropeiskum fótbólti hevur liðið eisini staðið seg væl.
Atletico vann La Liga í 2014 frammanfyri nøsini á Barcelona, og hetta var eitt frálíkt avrik. Í sínum fyrsta kappingarárið í felagnum vann Simeone Europa League, og aftur í fjør sigraði Madrid-felagið í kappingini. Í 2013 vann Atletico Copa del Rey við sigri á grannunum Real.
Simeone hevur sín heilt egna stíl at verða uppá og at spæla fótbólt uppá. Oftast íklæddur bert svart og á vøllinum er spælið skipað og effektivit. Hann er kosin at vera besti venjari í La Liga tríggjar ferðir, og tvær ferðir hevur hann verið ógvuliga nær við at ført sítt felag til sigurs í Champions League. Bæði í 2014 (eftir longda leiktíð) og í 2016 (eftir brotssparkskapping) var Real Madrid omaná í finaluni ímóti Atletico.
Eftir tvey tap á rað, seinasta vikuskifti ímóti Real, er Atletico Madrid nú nummar trý í La Liga. Sjey stig eru niður til Barcelona, og Real er eitt stig frammanfyri. Diego Simeone er tann venjarin í La Liga, ið verið longst í sessinum, og nú kemur hann so at sita eina tíð afturat.
Kelda: BBC
Vinarliga broyt tínar kennifíla - og privatlívsstillingar fyri at síggja hetta innihald