Fótbóltur

Flyta U21-dystin á Tórsvøll vegna vánaligar veðurforsagnir

FSF gevur verið í samband við veðurkøn, og tey flestu eru á einum máli um, at frægast er at dysturin verður í Gundadali.

Benjamin Heinesen (Savnsmynd: Sverri Egholm)

Benjamin Heinesen (Savnsmynd: Sverri Egholm)

2018-10-10 23:43 Author image
Sverri Egholm

Mangan verður sagt, at veðrið má sær sjálvum ráða, og soleiðis verður eisini komandi dagarnar. Og veðurforsøgnin fyri fríggjadagin og leygardagin sær einki serlig út. Boðað verður frá nógvum vindi, og heldur ivasomum fótbóltsveðri.

Og tí er avgerð tikin um, at U21-landsdysturin millum Føroyar og Litava ikki verður á Svangaskarði, men er fluttur á Tórsvøll í staðin.

Tað skrivar Fótbóltssambandið á heimasíðuni í kvøld.

Dysturin verður altso leiktur á Tórsvølli fríggjadagin klokkan 17:00.

[object Object]Tað verður eftir øllum at døma ov nógvur vindur á Svangaskarði fríggjadagin. Tí er U21-dysturin móti Litava fluttur á Tórsvøll (Savnsmynd: Sverri Egholm)