Føroyar endaðu nummar 24 av 41 londum í liðkappingini

Junior HM í badminton er í hesum døgum í Kanada. Føroyska U19-landsliðið luttekur, og eftir eitt triðja pláss í einum bólki við fimm londum kundu Føroyar enda millum nummar 17 og 24.

Les meira her

Seinasti plaseringsdysturin var í gjár, og har taptu Føroyar 3-1 fyri Peru. Harvið enda føroyingar á 24. plássið. Føroyska liðið var tó væl við í dystinum móti suðuramerikonsku tjóðini, og Jónas Djurhuus vann sín singledyst.

Hetta er fyrstu ferð, at eitt føroysk lið luttekur til Junior HM. Føroyar vóru seedaðar niðast undan kappingini; nummar 41 av 41 londum, so sigast má at úrslitið er gott. 

Eftir góðu liðkappingina verður nú farið undir einstaklingakappingina. Setanin var fyrr í dag, og í morgin byrja kappingarnar av álvara. Teir seks ungu føroyingarnir fáa seg veruliga royndar; millum annað framman fyri spentu og góðu áskoðarunum, ið eru komin allan vegin úr Føroyum at stuðla. 

Føroyska liðið: 

Alma Kentsdottir Mohr Pedersen, Lyngby/HBF
Sissal Thomsen, HBF
Lena Maria Joensen, KBF
Árant á Mýrini, MBF
Jónas Djurhuus, HBF
Ari Miné Jacobsen, KBF  

Venjari: Aritra Nandy 


Formaðurin í Badmintonssamband Føroya, Erik Engelbrecht Thomsen, er liðleiðari.