Føroyar møta Fraklandi, Danmark og Finnlandi

- Hetta eru tríggjar sera spennandi og sterkar fótbóltstjóðir, ið vit skulu møta. Frakland hevur eitt av bestu U19-landsliðum í Evropa, so tað verður uttan iva ein stór avbjóðing fyri okkara ungu spælarar, sigur Jógvan Martin Olsen, U19-landsliðsvenjari.

Føroyska U19-landsliðið við dreingjum sleppur av álvara at royna seg, tá innleiðandi EM-undankappingin verður á skránni komandi ár. Hósmorgunin varð lutakast um, hvussu bólkarnir skulu síggja út, og har háttaði tað seg soleiðis, at Føroyar komu í bólk 8, saman við Frakland, Danmark og Finnland, skrivar FSF á heimasíðuni.

Kappingin verður í Danmark frá 12. til 20. november 2019.

- Tjóðskaparkenslan plagar at vera sterk, tá vit møta Danmark, so tá vænti eg ein spennandi dyst. Møguleikin fyri stigum er kortini størst móti finnum, sigur Jógvan Martin Olsen