Agnar Prestá
Styrkislistin hjá FIFA er í dag kunngjørdur. Hann verður dagførdur hvønn mánað eftir seinastu úrslitunum hjá limalondunum, og hvørjum dystirnir eru leiktir ímóti.
Síðani seinast, tá Føroyar vóru nummar 92, hevur føroyska liðið tapt 3-0 fyri Aserbadjan og spælt 1-1 javnleik móti Kosovo. Báðir dystirnir vóru á heimavølli í Nations League.
Javnleikurin fyri Kosovo telur ikki nógv, og Føroyar eru dotnnar niður á 95.pláss. Tað kann nevnast, at tað eru 12 pláss frammafyri Aserbadjan.
Belgia er fremst á styrkislistanum, meðan fronsku heimsmeistarnir eru beint aftanfyri. Onglan er komið uppá 5. pláss, meðan danir eru nummar 10. Merkisvert er eisini, at Týsklandi er niðri á 14. plássi; óvanliga lágt fyri stóru fótbóltstjóðina.
Føroyar spæla tveir dystir í Nations League í november; 17. í Aserbadjan og 20. á Malta.
Vinarliga broyt tínar kennifíla - og privatlívsstillingar fyri at síggja hetta innihald