Føroyskir Liverpool fjepparar fáa nógv fyri pengarnar um dagarnar

Eitt stórt føroyskt ferðalið fór mánadagin úr Føroyum til Liverpool, har tey fyrst sóu Liverpool vinna 1-0 á Napoli týskvøldið, og harvið vinna sær víðari luttøku í Champions League, og sunnudagin fara tey at hyggja eftir størsta dystinum í Onglandi, tá Manchester United kemur á vitjan í Liverpool.

Men umframt fótbóltsdystirnar hava føroysku fjeppararnir fingið annað gott burturúr ferðini. Á ferð úti á gøtuni møttu tvær ungar kvinnur Liverpool málverjanum Alisson Becker, og aðrir møttu vinstra bakkinum Alberto Moreno.

Hallur, Pól og Sigtór Andreassen saman við Alberto Moreno, vinstri bakkur hjá Liverpool