FSF setur ungdómin á breddan í februar

Um alt gongur eftir ætlan, og koronafarsóttin hevur lagt seg, skipar Fótbóltssamband Føroya fyri árligu ráðstevnuni um barna- og ungdómsfótbólt seinasta vikuskifti í februar mánað.

Stevnan er ætlað øllum barna- og ungdómsvenjarum, uttan mun til royndir ella útbúgving. Einasta krav er, at viðkomandi hevur áhuga fyri barna- og ungdómsvenjing, skrivar Fótbóltssambandið á heimasíðuna.

Endamálið við ráðstevnuni er at geva luttakarunum íblástur til komandi kappingarár, umframt høvið at hittast og minna hvønn annan á týdningin av arbeiðinum við barna- og ungdómsvenjing.

Høvuðsnavnið á ráðstevnuni í ár eru venjarar frá Coerver Coaching, sum koma at hava bæði fyrilestrar og venjingar. Harumframt vera framløgur frá føroyskum undirvísarum eisini.

Nærri kunning um ráðstevnuna og tilmelding fer fram í Nethandilinum á heimasíðuni hjá FSF.