Fótbóltur

Fýra heimasigrar í fyrsta umfari

Arvafíggindarnir leiktu málleysan javnleik í Klaksvík; serliga TB og Víkingur fingu góða byrjan.

Mynd: Jens Kr. Vang

Mynd: Jens Kr. Vang

2019-03-10 17:18 Author image
Agnar Prestá
placeholder

Tað komu ikki nógv mál í 1. umfarinum, og árstíðini líkt var ikki tað góða og flótandi fótbóltsspælið kring landið.

Mest jaligt var umfarið fyri Víking og TB. Víkingur vann sín fyrsta týðandi dyst síðani miðskeiðis í august. Øll málini ímóti grannunum og uppflytarunum komu í øðrum hálvleiki. Tað fyrsta kom beint eftir steðgin, tá fyrrverandi ÍF-leikarin Adeshina Lawal skoraði. Seinastu løtuna avgjørdi heimaliðið dystin; Sølvi Vatnhamar og ungi og spennandi Arnbjørn Svensson komu á máltalvuna. Víkingur er fyrsta oddaliðið í ár.

TB basti AB í fyrstu royndini á egnum beinum aftur. Hetta var ein týðandi sigur at fáa á heimavølli. Nýggi serbiski áleyparin, Ivan Ivanovic og Stefan Radosavljevic syrgdu fyri málunum hjá heimaliðnum. Tóki á Lofti minkaði um munin í 88. minutti, men tað var ov lítið fyri AB.

Í klassikarum í Klaksvík endaði tað málleyst. KÍ byrjaði betur, men tað vóru ikki nógvir málmøguleikar. Bæði liðini kundi havt avgjørt dystin, men tey tyktust rímiliga nøgd við eina stigið. Hetta var fyrstu útdystur síðani heystið 2017, at HB ikki fær fult.

NSÍ og B36 vunnu teprar heimasigrar. Runavíkingar høvdu sítt baks við EB/Streymi, men Jann Martin Mortensen avgjørdi dystin eftir upplegg frá nýggja norðmanninum Peter Nersveen. Hjá B36 gjørdist fyrrverandi leikarin hjá NSÍ, Árni Frederiksberg, matchvinnari við góðum frísparksmáli frá brotsteigarmarkinum. Skála megnaði ikki at svara aftur.

2. umfar verður leikt komandi sunnudag (17. mars).

Her eru úrslitini í 1. umfari:

B36 - Skála (1-0)
Árni Frederiksberg 1-0

Víkingur - ÍF (3-0)
Adeshina Lawal 1-0
Sølvi Vatnhamar 2-0
Arnbjørn Svensson 3-0

NSÍ - EB/Streymur (1-0)
Jann Martin Mortensen 1-0

TB - AB (2-1)
Ivan Ivanovic 1-0
Stefan Radosavljevic 2-0
Tóki á Lofti 2-1

KÍ - HB (0-0)


Stigatalvan eftir 1. umfar
1. Víkingur (3 stig)
2. TB (3 stig)
3. B36 (3 stig)
4. NSÍ (3 stig)
5. HB (1 stig)
6. KÍ (1 stig)
7. AB (0 stig)
8. EB/Streymur (0 stig)
9. Skála (0 stig)
10. ÍF (0 stig)


2. umfar næsta sunnudag 17. mars
AB - ÍF
EB/Streymur - B36
Skála - TB
Víkingur - KÍ
HB - NSÍ

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder