Fyrsta uppgávan er Wales á heimavølli

Stutt eftir middag var lutakast um, hvussu spælast skal í komandi EM-undankapping hjá kvinnum, sum byrjar seinni í ár.

Lutakastið háttaði seg soleiðis, at Føroyar komu í bólk C saman við Noregi, Wales, Hvítarusslandi og Norðurírlandi.

Les meira: Føroyar í bolki saman við Noregi

FSF skrivar, at aftaná lutakastið bleiv leikskráin fyri komandi kapping løgd. Føroyska liðið skal spæla tríggjar dystir í ár, har tveir eru á heimavølli og ein á útivølli. Hinar fimm dystirnar verða leiktir í komandi ári. 

Fyrstu uppgávurnar hjá kvinnulandsliðnum í ár verða 7. og 9. apríl, tá føroyska liðið skal spæla tveir venjingardystir á útivølli móti Litava. Tað er John Petersen, ið stendur á odda fyri føroyska liðnum.

Leikskráin fyri EM undankappingina:

30. august 2019

Føroyar – Wales

3. september 2019

Hvítarussland – Føroyar

8. oktober 2019

Føroyar – Noreg

10. apríl 2020

Wales – Føroyar

5. juni 2020

Noreg – Føroyar

9. juni 2020

Norðurírland – Føroyar

18. september 2020

Føroyar – Norðurírland

22. september

Føroyar - Hvítarussland