Agnar Prestá
Manshondbóltsliðið úr Odense, GOG, sum var í Føroyum um vikuskiftið í sambandi við nakrar venjingardystir, brúkti sín frídag í Vestmanna.
Hópurin vildi fegin sleppa at fiska og tað var skjótt, at fimm útróðrarbátar úr bygdini vóru til reiðar at fara ein túr við teimum.
Hetta skrivar Vestmanna kommuna á heimasíðu sínari.
- Veðrið var av tí allar besta, hýrurin var góður og fiskiskapurin var nøkunlunda.
Føroyingurin á liðnum hevur ættarbond úr Vestmanna - millum annað býr langomman har. Óli Mittún hevði turra grind og spik við til sínar liðfelagar.
Myndir: Barndómsfelagið hjá Óla Mittún bjóðaði GOG av í løtum
Tað var ein sera væl nøgdur hópur, sum kom aftur á land eftir nakrar góðar tímar á sjónum og í føroysku náttúruni.
Sum tøkk fyri túrin fingu bátaeigararnir, Jákup Martin Andreassen, Rógvi Nielsen, Jógvan Poulsen, Johnny Joensen og Agnar Joensen, allir hvør sína spælaratroyggju frá GOG.
Les eisini: THW Kiel hevði teambuilding í føroysku náttúruni og venjing við føroyskum børnum
Vinarliga broyt tínar kennifíla - og privatlívsstillingar fyri at síggja hetta innihald