Hondbóltur

H71 menninir skulu spæla móti Drammen úr Noregi

Drammen gjørdist nummar trý í skerdu norsku hondbóltskappingini 2020/21.

H71 vann steypakappingina í fjør (Mynd Jens Kr. Vang)

H71 vann steypakappingina í fjør (Mynd Jens Kr. Vang)

2021-07-20 11:34 Author image
Ingi Samuelsen
placeholder

Menninir hjá H71 fingu munandi lagaligari mótstøðu enn kvinnurnar – tá hugsað verður um ferðing – tá lutakastið var til European Cup í hondbólti í dag.

H71-menninir skulu møta Drammen HK úr Noregi, og hoyvíkingar hava heimavøll í fyrsta dysti.

Les eisini: H71-kvinnurnar fáa makedonska mótstøðu

Liðið hjá H71 var við í lutakastinum yvir lið, sum koma inn í kappingina í øðrum umfari av EHF European Cup.

[object Object]

Drammen HK gjørdust nummar trý í skerdu norsku hondbóltskappingini í 2020/21, sum endaði longu undan jólum í fjør orsaka av korona.

Dystirnir í øðrum umfari í EHF European Cup verða spældir 16./17. og 23./24. oktober. Væntandi fer H71 at royna at fáa báðar dystirnar spældar í Føroyum.

Drammen er ein býur á umleið 100.000 fólk, ið liggur bert einar 45 kilometrar í ein útsynning úr høvuðsstaðnum, Oslo. 

placeholder
placeholder