Hallur: Eg njóti hvørja løtu

Liðskiparin á føroyska A-landsliðnum við monnum, Hallur Hansson letur væl at umstøðunum í Marbella í suðurspania, har liðið er á venjingarlegu í hesum døgum.

Og sjálvt um tað hevur hug at regna, og tað er langt millum sólstrálurnar, so er Hallur við gott mót, hóast veðrið ikki ordiliga spælir við.

Áðrenn venjingina hósdagin á La Quinta venjingarvøllinum, fekk FSF Varpið orðið á føroyska liðskiparan, sum higartil hevur spælt 65 A-landsdystir og skorað 5 mál fyri Føroyar.