Fótbóltur

HB er í steypafinaluni fjórða árið á rað

Í einari málríkari seinnu hálvfinalu víst HB styrki og koppaði KÍ í Gundadali.

Rebekka Benbakoura - her í steypafinaluni í fjør - skoraði heili fýra mál í dag, tá HB spældi seg í finaluni við 6-3 sigri (Mynd: Sverri Egholm)

Rebekka Benbakoura - her í steypafinaluni í fjør - skoraði heili fýra mál í dag, tá HB spældi seg í finaluni við 6-3 sigri (Mynd: Sverri Egholm)

2019-08-17 15:47 Author image
Agnar Prestá
placeholder

Tað var lagt upp til eina spennandi seinnu hálvfinalu, tá HB tók ímóti KÍ í dag. Og tað var als ikki óahugavert, tá HB og KÍ samanlagt skoraðu níggju mál í Gundadali. HB stóð fyri heili seks av teimum og er harvið í steypafinaluni. 

Tær í reyðum og svørtum taptu fyri grannunum úr B36 seinasta vikuskifti og eru harvið úti av FM-stríðnum. Tær reistu seg á besta hátt gjørligt í dag. HB hevði fyrimunin eftir 2-2 í Klaksvík í fyrru hálvfinaluni, og í seinnu hálvu av 1. hálvleiki avgjørdi HB so at siga uppgerðina.

[object Object]
(Stórur fagnaður á teimum hjá HB í dag)

Tá Rebekka Benbakoura fekk sítt hattrick beint eftir steðgin, var so nær við at vera avgjørt sum gjørligt. Málini hildu tó fram at koma, men KÍ kom tó ikki tættari uppá, enn tá tað varð 5-2 hálvan tíma fyri leiklok. 

HB hevur eisini verið í steypafinaluni seinastu trý árini, men hevur í øllum finalunum tapt tepurt. KÍ tapti í hálvfinalunum triðja árið á rað; annað árið á rað ímóti HB. Um tað verður EBS/Skála ella B36 kemur uppá pláss í kvøld. Liðini hittast klokkan 18.00 í Gundadali. Greipuvinnararnir vunnu 4-1 í fyrru hálvfinaluni.

Seinna hálvfinala
Gundadalur, 17.08
HB - KÍ 6-3 (3-0) 8-5 samanlagt 

23'
1-0
Rebekka Benbakoura
 
37'
2-0
Heidi Sevdal
 
41'
3-0
Rebekka Benbakoura
 
48'
4-0
Rebekka Benbakoura
 
50'
4-1
 
Sigrid Jacobsen
       
 
56'
5-1
Julia Naomi Mortensen
 
62'
5-2
 
Evy á Lakjuni
78'
6-2
Rebekka Benbakoura
 
88'
6-3
 
Sanna Svarvadal

(FaroeSoccer)

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder