Fótbóltur

HB hevur áleypara úr Danmark til royndarvenjing

25-ára gamal dani kemur møguliga at spæla fyri føroyameistararnar komandi ár.

Christoffer Nielsen hevur her skorað fyri Kjellerup
(Mynd: mja.dk)

Christoffer Nielsen hevur her skorað fyri Kjellerup (Mynd: mja.dk)

2019-02-07 21:45 Author image
Agnar Prestá

Bolt.fo skrivar í kvøld, at í hesum døgunum royndarvenur ein danskur álopsleikari við føroyameistaranum HB.

Talan er um 25 ára gamla Christopher Denius Nielsen, sum hevur spælt saman við  miðverjanum hjá HB, Lassa Andersen í Kjellerup. Lasse kom til HB beint eftir kappingarbyrjan í fjør og hevði eitt frálíkt kappingarár í miðverjuni saman við Bartal Wardum.

Hansara fyrrverandi liðfelagið hevur spælt í triðbestu donsku deildini seinastu árini. Á Transfermarkt er hann skrásettur fyri 53 dystir og 9 mál í landskappingini seinastu trý árini. Christopher Nielsen kann røkja fleiri álopskend pláss, og hann skal sambært bolt.fo royndarvenja í HB komandi dagarnar.