placeholder
Fótbóltur

HB skal hava nýggjan venjara

Hjálparvenjarin hjá HB seinastu tvey árini, Kevin Schindler, gevst nú í felagnum. Hann hevði ábyrgd av høvuðsliðnum í seinnu hálvu í fjør men hevur ikki pappírini uppá pláss. Andrew av Fløtum og Símun Samuelsen fara at hava venjingarnar til nýggi venjarin er upp á pláss. Tað verður heilt skjótt, sigur felagið.

Tað var ætlanin, at Kevin Schindler, skuldi vera høvuðsvenjari hjá besta liðnum hjá HB í 2022, men av tí at neyðugu loyvini ikki koma uppá pláss til tíðina, verður hetta av ongum. (Savnsmynd: Sverri Egholm)

Tað var ætlanin, at Kevin Schindler, skuldi vera høvuðsvenjari hjá besta liðnum hjá HB í 2022, men av tí at neyðugu loyvini ikki koma uppá pláss til tíðina, verður hetta av ongum. (Savnsmynd: Sverri Egholm)

2022-01-10 13:49 Author image
Sverri Egholm
placeholder

Tað var ætlanin, at Kevin Schindler, skuldi vera høvuðsvenjari hjá besta liðnum hjá HB í 2022, men av tí at neyðugu loyvini ikki koma uppá pláss til tíðina, verður hetta av ongum. Kevin Schindler gevst tí nú í felagnum.

Hesum boðar HB frá í dag.

Hetta er sostatt annað árið á rað, at HB stendur uttan venjara í januar mánað.

Kevin kom til felagið í 2020, har hann var hjálparvenjari hjá Jens Berthel Askou. Hesum leiklutinum helt hann fram í undir Jonas Dal Andersen, og eftir at Jonas og HB endaðu samstarvið, tók Kevin yvir sum fyribils høvuðsvenjari, inntil Allan Dybczak tók yvir restina av 2021.

- Vit ivast ikki í dygdunum hjá Kevin, men fyri at vera venjari í Betri Deildini krevst A-venjaraprógv, ella at man er innskrivaður á A-venjaraútbúgving. Málsligar avbjóðingar gera, at Kevin ikki hevur møguleika at taka útbúgvingina í Føroyum. Tí skuldi hann eftir ætlan taka hana umvegis týska fótbóltssambandið, men koronustøðan hevur við sær, at færri luttakarar sleppa inn, og tí er Kevin ikki innskrivaður enn, skrivar HB á heimasíðuni.

HB sigur, at arbeiðið við at finna nýggjan høvuðsvenjara er í gongd, og at tað kemur uppá pláss, innan heilt stutta tíð. Til tá koma Andrew av Fløtum og Símun Samuelsen at hava venjingarnar, saman við fysiska venjaranum Helmand Hamid.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder