Agnar Prestá
- Eg gav mær sjálvum ta bestu føðingardagsgávuna nakað tíðliga við at vinna HM.
Hetta segði Luke Littler við Sky Sportsí gjár, í sambandi við at han hevði 18-ára føðingardag.
Hann hevur ikki eitt lív, sum er púra vanligt fyri ein bretskan tannáring, sum júst er vorðin vaksin á pappírinum.
18 dagar fyri sín 18-ára føðingardag tryggjaði Luke Littler sær PDC heimsmeistaraheitið á sannførandi hátt; við 7-3 sigri á dart heimsstjørnuni Michael van Gerwen.
Sí eisini: 17-ára gamal heimsmeistari í dart
Tað er ungi maðurin úr Warrington - áleið mitt millum Manchester og Liverpool - longu. Í 2023 vann hann ungdóms HM, og nakrar mánaðir seinni var Littler í finaluni hjá teimum vaksnu í Alexandra Palace.
Har gjørdist hann ov stuttur móti Luke Humphries, men seinni í 2024 vann Luke Littler Premier League í sínari fyrstu roynd, og kom millum annað í World Series of Darts Finals í hús.
Krúnan á verkinum - higartil - var finalusigurin í "Ally Pally" 3. januar. Harvið tvey PDC HM og tvær ferðir í finaluni.
Sambært Forbes forvann tannáringurin umleið eina og eina hálva millión pund, sum svarar til yvir 10 milliónir krónur í 2024. Hetta talið fer helst at vera nakað hægri í 2025, og nú er Luke Littler ein vaksin maður.
Sambært The Sun fekk Luke Littler fisk og kips við hús á 18-ára degnum. Hann segði sjálvur, at dagurin í gjár varð hildin á púra róligan hátt, tí "so nógv dart er fyri tíðina". Premier League-verjan byrjar 6. februar.
Vinarliga broyt tínar kennifíla - og privatlívsstillingar fyri at síggja hetta innihald