Henry Heinesen til ÍF

ÍF hevur seinastu dagarnar longt sáttmálan við eina røð av leikarum, ið vóru við at spæla liðið uppaftur í bestu deilduna.

Les meira: ÍF brynjar seg til bestu deildina

Í dag er greitt, hvør fyrsti styrkurin hjá fuglfirðingum uttanífra er. Talan er um Henry Heinesen, ið kemur úr KÍ. Henry er 30 ára-gamal og hevur spælt 95 dystir í fremstu deildini; allar við barndómsfelagnum.

ÍF og Henry Heinesen gjørdi sáttmála á vetri í 2015, men tað skifti gjørdist ongantíð til nakað kortini. Klaksvíkingurin var partur av hópinum hjá besta liðnum í seinnu hálvu av 2016 og fyrsta partin av 2017, men hevur bert spælt í 1.deild seinastu trý árini.  

Henry kann røkja øll pláss á vøllinum; seinastu tíðina hevur hann fyri tað mesta spælt í miðverjuni.