Her er yvirlitið eftir fyrru áttandapartsfinalurnar

Komið er nú í helvt við áttandaparttsfinalunum í Champions League, og tað er greitt, at í yvir helminginum av uppgerðunum er stórur spenningur undan seinna dystinum.

Í fýra uppgerðum er bert eitt mál á muni eftir 1-0/0-1 úrslit - millum annað millum Inter og Porto, har mál frá innskifta Romelu Lukaku seint í dystinum í Milano í gjár, tryggjaði Inter eitt stig.

Millum Manchester City og RB Leipzig er púra javnt - útivallarmál telja ikki - eftir 1-1 dystin í Týsklandi í gjár. Riyad Mahrez legði City á odda í fyrra hálvleiki, men heimaliðið javnaði eftir steðgin.


Koratiski verjuspælarin Josko Gvardiol javnaði fyri Leipzig (Mynd: EPA)

Benfica og Napoli vunnu við tveimum málum á útivølli í fyrru hálvfinalunum og hava harvið annað beinið í fjórðingsfinaluni.

Truplast sær tað út hjá Liverpool, sum skal venda øllum á høvdið og vinna við minst trimum málum móti meistarunum á Santiago Bernabeu.

Seinnu áttandapartsfinalurnar verða spældar í fyrru hálvu av mars - í næstu viku er frívika í Champions League.

Champions League áttandapartsfinalur

Úrslitini í fyrru dystunum: 

Týsdagin 14.02

AC Milan - Tottenham 1-0 

PSG - Bayern München 0-1


Mikudagin 15.02

Club Brügge - Benfica 0-2

Borussia Dortmund - Chelsea 1-0


Týskvøldið 21. februar

Liverpool - Real Madrid 2-5 

Frankfurt - Napoli 0-2 

Í gjár, mikukvøldið 22. februar

Inter Milan - FC Porto 1-0 

RB Leipzig - Manchester City 1-1


Seinnu áttandapartsfinalurnar:
Týsdagin 7. mars

Chelsea - Borussia Dormtund (0-1)

Benfica - Club Brügge (2-0)


Mikudagin 8. mars

Bayern München - PSG (1-0)

Tottenham - AC Milan (0-1)


Týsdagin 14. mars

Manchester City - RB Leipzig (1-1)

FC Porto - Inter Milan (0-1)


Mikudagin 15. mars

Real Madrid - Liverpool (5-2)

Napoli - Frankfurt (2-0)