Hesi liðini hava spælt seg í hálvfinalurnar

Í gjárkvøldið vórðu avgerandi dystirnir í Faxe Kondi steypakappingini hjá bæði kvinnum og monnum spældir. Niðanfyri síggjast endaligu støðurnar í øllum bólkunum - í einum bólki er tó ein dystur eftir - og stutt yvirlit.

Menn: 

Bólkur 1 - tvey tey ovastu komu víðari

VÍF kom fyri seg eftir hørðu evropeisku dystirnar síðsta vikuskifti við at vinna greitt á StÍF. Havið vunnu vestmenningar sum væntað bólkin. Neistin tók 2. plássi - sigurin á Skála í fyrsta umfari var nóg mikið. 

Øll úrslitini í bólkinum síggjast her.

Bólkur 2 - tvey tey ovastu komu víðari

Í hesum bólkinum var meira spenningur. Undan umfarinum í gjár høvdu øll liðini tvey stig, og harvið var lagt upp til tvær "finalur".

KÍF vann trygt á Team Klaksvík í Kollafirði. Hitt liðið, sum var í finaluni í fjør, røkkir henni tó ikki í ár. H71 hevur sitið á steypakappingini seinastu árini við at vinna fýra ár á rað. Ungu hoyvíkingar taptu tó avgerandi dystin í 3. umfari móti Kyndli. Teir í grønum eru styrknaðir til hetta kappingarárið og vóru teir omaná í tøttu uppgerðini í gjár. Nú er lagt upp til spennandi hálvfinalur.

Hálvfinalurnar hjá monnum, ið verða leiktar tíðliga í februar síggja harvið soleiðis út: 

VÍF - KÍF
Kyndil - Neistin

Kvinnur: 


Bólkur 1 - tvey tey ovastu komu víðari

Her var so at siga eingin ivi. VÍF, og serliga H71, vóru væl sterkari enn hini liðini. Harvið livir vónin um at endurvinna steypið aftur hjá H71.

Øll úrslitini í bólkinum síggjast her

Neistin og Kyndil spældu javnleik í høllini á Hálsi í gjárkvøldið. Hetta merkir, at Kyndil hevur tryggjað sær víðari luttøku saman við Neistanum. 

Tað merkir eisini, at Kyndil kann yvirhála grannarnar. Ein útsettur dystur veðrur spældur í Vági sunnudagin. Vinnur útiliðið við tveimum har, vinnur Kyndil bólkin.

Hettta hevur týdning, í mun til hvør møtir hvørjum í hálvfinalunum í februar.