HM-lutakast hjá kvinnum verður mikudagin

HSF: Mikudagin kl. 10 verður lutakastið til HM-undankappingina hjá kvinnum.

1. umfar verður leikt í play-off dystum, har liðini spæla ein heima-og útidyst. Dystirnir verða leiktir í fyrstu viku í november.

Føroyar er styrkismett í potti 1 saman við Eysturríki, Slovakia, Turkalandi, Íslandi, Ukraina, Portugal, Grikkaland og Italia.

Føroyar kunnu møta hesum liðum, sum eru í potti 2: Kosovo, Ísrael, Finnlandi, Luksemborg, Aserbajan, Bosnia Hersegovina, Bulgaria, Stóra Bretland og Lettlandi.

Vinnandi liðini koma víðari til annað umfar í undankappingini, har liðini kunnu møta Kroatia, Spania, Fraklandi, Týsklandi, Ungarn, Montenegro, Hollandi, Póllandi, Rumenia, Slovenia, Serbia, Sveis og Kekkia.