Fótbóltur

Holgar til ÍF

26-ára gamli vestmenningurin kemur aftur til Føroya og til Betrideildini at spæla og hevur nú gjørt eitt ára-sáttmála í Fuglafirði.

Holgar Durhuus saman vi formanninum í ÍF, Dan Petersen
(Mynd: if.fo)

Holgar Durhuus saman vi formanninum í ÍF, Dan Petersen (Mynd: if.fo)

2019-02-23 09:40 Author image
Agnar Prestá
placeholder

Í gjárkvøldið kunngjørdi ÍF, at vestmenningurin Holgar Durhuus hevur undirskrivað sáttmála við felagið.

ÍF skrivar á heimasíðu sínari, at 26 ára gamli leikarin hevur fyri tað mesta spælt á álopskendu plássunum á vøllinum, og at hann kann lýsast sum ein kvikur leikari við góðum tekniskum førleikum.

Seinasta árið hevur Holgar spælt við felagnum Kvik Halden, sum tryggjaði sær uppflyting í triðbestu deildina í Norra. Holgar Durhuus umboðaði Skála í 2014, men hevur annars spælt vaksnamannafóbólt í 07 Vestur. Eins og hinir útileikararnir, ið ÍF hevur fingið inn í vetur, so hevur Holgar nógvar royndir i bestu deildini. Sambært FaroeSoccer hevur hann leikt 121 dystir og skorað 11 mál.

ÍF hevur gjørt eitt-ára sáttmála við Holgar Durhuus, ið byrjar hjá uppflytarunum mánadagin.

ÍF og Skála leiktu í gjár venjingardyst í Fuglafirði. Hann endaði við 1-1 javnleiki. 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder