Hondbóltur

Hondbóltsdystur útsettur vegna korona

Fimm leikarar hjá H71 eru sendir í sóttarhald.

(Mynd: HSF)

(Mynd: HSF)

2020-09-23 10:56 Author image
Ingi Samuelsen
placeholder

Koronatilburðirnir á Glasi rakar nú eisini hondbóltskappingina í bestu deildini fyri menn.

Í annaðkvøld skuldu vera dystur millum Team Klaksvík og H71. Men hesin dysturin er nú útsettur vegna sóttarhaldið, sum hevur rakt næmingarnar á Glasi.

Fimm leikarar í hópinum hjá H71 eru sendir í sóttarhald, boðar hondbóltssambandið frá.

Eisini fótbóltskappingin er rakt. Soleiðis er dysturin millum Víking og AB, sum skuldi verið spældur í kvøld, útsettur av somu orsøk.

Les: Víkingur - AB útsettur   

placeholder
placeholder