Hørður Askham til FC Roskilde

FC Roskilde hevur keypt Hørð Heðinsson Askham leysan úr sáttmálanum við Akademisk Boldklub, og hevur skrivað undir sáttmála galdandi til á sumri 2026.

29 ára gamli landsliðsverjuleikarin fer sostatt úr triðbestudeildini upp í næstbestu deildina í Danmark at spæla.

Hørður Askham spældi til á sumri í fjør við HB (Mynd: Sverri Egholm)

- Avgerðin var einføld. Eg vil spæla á hægri stigi, og ynski at royna meg í NordicBet Liguni, sigur Hørður Askham við heimasíðuna hjá FC Roskilde.

FC Roskilde er uppflytari í næstbestu deildini, og eftir fýra dystir hevur liðið ikki megnað at fingið nakað stig.

Hørður H. Askham hevur áður umboðað KÍ, HB, B36 og hevur síðani á sumri í fjør verið í Gladsaxe hjá Akademisk Boldklub.

(Mynd: AB)

(Mynd: Jens Kr. Vang)