ÍSF fær 1,5 milliónir afturat

Samgongan ætlar at hækka rakstrarstuðulin til Ítróttasamband Føroya við 1,5 milliónum krónum á fíggjarlógini fyri komandi ár.

– ÍSF hevur gjørt eina langtíðarætlan fyri at styrkja føroyska ítróttafelagsskapin og skapa ítrótt fyri øll alt lívið. Økta rakstarjáttanin til ÍSF skal vera við til at stuðla upp undir langtíðarætlanina, sum m.a. fevnir um, at øll skulu kunna vera við, at fjálga um sjálvboðin, at skapa ítróttagleði og at styrkja úrvalsumhvørvini, skrivar Almanna- og mentamálaráðið.

Umframt hetta verður eisini arbeitt við eini lóg, ið gevur landinum heimild at stuðla bygging av Føroya Arena.

Ætlanin er, at landsins partur av fíggingini verður 30 milliónir krónur, skrivar ráðið.