Jana: - Vit vilja øgiliga gjarna avgera tað leygardagin

H71 vann í kvøld 32-27 í Høllini á Hálsi, og hevur harvið vunnið báðar FM-finalurnar, sum higartil eru spældar í SMS-deildini.

Jana Mittún spældi stóran leiklut í sigrinum á Kyndli við millum annað tíggju málum. Bakspælarin hjá H71 hevur nú møguliga bert ein dyst eftir sum H71-spælari fyribils - í summar fer hon niður til Viborg.

- Tað er eitt sindur kensluborið at spæla hesar dystirnar, men eg royni at brúka tað sum brennievni til at spæla so væl sum møguligt, sigur Jana Mittún.

Mynd: Sverri Egholm

20-ára gamla hoyvíkskvinnan kann leygardagin verða við til at tryggja besta kvinnuliðnum hjá H71 greipuna fyri fyrstu ferð. Liðið skal tá spæla við eitt sindur størri ferð og hugsavnan enn í seinna hálvleiki í kvøld, staðfestir Jana.

FM-finalur í SMS-deildini
finala nummar 2 - mikudagin, 3. mai í Høllini á Hálsi
Kyndil (0) - H71 (2) 27-32 (11-16)

Toppskjúttar: 
Turið Arge Samuelsen 15 mál, Jana Mittún 10 mál

Sí eisini: 
Myndir: Kyndil - H71 (onnur-FM-finala)
Nú eru hoyvíkskvinnur bert eitt fet frá FM
Sophus Dal-Christiansen: Hava ov nógvar tekniskar villur og brenna upplagdar møguleikar