Jóhan væl við í stórsigri

Tað var við føroyinginum Jóhan á Plógv Hansen, at danir í kvøld vunnu 35-23 ímóti Hollandi.

Jóhan hevur sitið uttanfyri hópin síðani fyrsta dystin í endaspælinum, men var í kvøld við aftur. Orsøkin var slysni, fipurskaði, sum 27 ára gamli havnarmaðurin hevur drigist við.

Danir vóru á odda 21-12 í hálvleikinum, og vunnu sum nevnt dystin 35-23.

(Mynd: EPA)

Jóhan á Plógv Hansen var tryggur í fyrra hálvleiki, men í seinna hálvleiki haltaði við at fáa bóltarnar inn. Hann gjørdi tað kortini gott, og skeyt sjey mál í dystinum.

Við sigrinum hevur Danmark tryggjað sær pláss í hálvfinalunum, sum verða spældar fríggjadagin. Finalan verður sunnudagin.

Enn hevur Danmark ein dyst eftir í millumumfarinum, og hann er ímóti Fraklandi mikudagin.