KÍ - Young Boys í Kringvarpinum og B36 - Levadia Tallinn á Rás 1

- KÍ hevur í longri tíð arbeitt við at funnið tann rætta leistin fyri at vísa okkara evropeisku dystir í sjónvarpinum. Vit ynskja at okkara fjepparar skulu fáa eina so góða uppliving sum gjørligt. Tað krevur, at eitt sindur verður gjørt burturúr sendingini, eitt nú við sjónvarpstovu har viðmerkjarar leiða fjepparan ígjøgnum dystin. Seinastu dagarnar hava vit verið í samrá við ymiskar sjónvarpsrásir, bæði í Føroyum og Danmark, sum hava ynskt at víst dystin. Nú er avtala gjørd við Kringvarp Føroya, sum fer at gera nógv burturúr sendingini, har tey fara at senda áðrenn, í hálvleikinum og aftana dystin. Hettar fegnast vit um, sigur Rói Clementsen, samskipari av sjónvarpsrættindinum hjá KÍ.

Kringvarpið byrjar at senda klokkan 19.00.

RÁS 1 og AberdeenTV

Eins og við dystinum á Gibraltar í seinastu viku, hevur B36 gjørt avtalu við Televarpið um at vísa Europa League-dyst B36 varð styrkismett til umfari, orsakað av góðu úrslitinum í 2016, og hevur ein á pappírinum góðan møguleika at koma víðari móti Levadia Talinn, ið endaði nummar tvey úr Estlandi í fjør. Dysturin á Tórsvølli byrjar klokkan 19.00 hóskvøldið, og hann verður vístur ókeypis á Rás 1.

NSÍ hevur als ikki somu treytir. Dysturin verður leiktur í Aberdeen, og skotska deildin er nógv sterkari enn tann estiska. Vit hava frætt frá NSÍ, at dysturin kann stroymast her, men at ein noyðist at tekna sær hald fyri at síggja dystin. Tó ljóðar, at tað er ein møguleiki fyri, at hann verður at síggja í Televarpinum.