Fótbóltur

KÍ fekk gott lutakast - NSÍ tað truplasta

Liðið hjá Mikkjal Thomassen skal til San Marino, og NSÍ skal til Norður Írlands - bæði liðini hava útivøll fyrst.

KÍ kom víðari ímóti Birkirkara av Malta í fjør (Mynd: Sverri Egholm)

KÍ kom víðari ímóti Birkirkara av Malta í fjør (Mynd: Sverri Egholm)

2019-06-11 12:30 Author image
Agnar Prestá

Fyrstu evropeisku dystirnir hjá føroysku liðunum verða leiktir hósdagin 27. juni. Tá leika runavíkingar í Norður Írlandi, og klaksvíkingar í San Marino. Hetta er greitt eftir at lutakastið til undanumfarið í Europa League var fyri lítlari løtu síðani.

Á pappírinum var talan um truplasta lutakastið gjørligt hjá NSÍ. Ballymena endaði nummar tvey í Norður Írlandi farna kappingarár. Linfield gjørdist aftur meistari, og NSÍ basti júst Linfield í heimadystinum í 2015. Linfield sló tó NSÍ út, og hevur vunnið hvørja ferð samanalagt, tá føroysk mótstøða hevur verið. 

KÍ skal spæla ímóti steypavinnarunum úr San Marino. Hetta verður mett sum eitt gott lutakast, og oddaliðið í Betrideildini skal royna at koma víðari til 1. umfar annað árið á rað  

Europa Leauge undanumfar:
Progrès (LUX) v Cardiff MU (WAL)
La Fiorita (SMR) v Engordany (AND)
Sant Julià (AND) v Europa (GIB)
Ballymena (NIR) v NSÍ (FRO)
Prishtina (KOS) v St Joseph's (GIB)
Tre Fiori (SMR) v KÍ Klaksvík (FRO)
Barry Town (WAL) v Cliftonville (NIR)

Fyrru dystirnir eru 27. juni; KÍ og NSÍ spæla seinna dystin - heimadystirnar - hósdagin 4. juni

placeholder
placeholder