Áron Vest
Á Djúpumýru í kvøld verður svar givið uppá, hvørt tað verður KÍ úr Klaksvík ella Radnički 1923 úr Serbia, sum skal víðari í Conference League. KÍ hevur eitt gott útgangsstøði frá fyrra dystinum, sum endaði við málleysum javnleiki í einum hita, sum valla nakar klaksvíkingur er vanur við.
Í KÍ leguni verður sæð fram til enn eitt evropeiskt ævintýr. Við í evropeiska ævintýrinum fylgja nógvar óteljandi fjepparaupplivingar, umframt milliónir av krónum. Kemur KÍ víðari til triðja umfar, fær liðið knappar tríggjar milliónir krónur, umframt 0,5 sonevnd koeffisientstig í skjáttuna. Hesi telja fimm ár fram í Evropa.
Les eisini: KÍ-liðformaðurin: - Hetta eru teir dystirnir vit minnast
Hjá gestunum úr Serbia snýr tað seg um betra um forkølaða evropeiska stiman, liðið hevur havt, undanfarnu árini. Í fjør náddi Radnički 1923 at spæla tveir dystir í øðrum umfari, og so var liðið úti. Hetta var eftir brotssparkskapping móti Mornar Bar úr Montenegro. Fyri uttan teir dystirnar, umframt dystin móti KÍ í Serbia í síðstu viku, hevur liðið ongar dystir spælt í evropeiskum fótbólti.
Bláa Bylgjan, ið er fjepparafelagið hjá heimaliðnum, skipar fyri undirhaldi og upphiting frá klokkan 17:15. Hetta verður aftanfyri gamla skýlið, sum so mangan áður.
Fyri liðið, sum fer avstað sum tapari eftir dystin í kvøld, merkir hetta eitt farvæl til evropeiskan fótbólt fyri hetta árið. Sostatt stendur alt opið - og við einari trýstandi Djúpumýru kann alt henda.
UEFA Europa Conference League
Í kvøld, hósdagin 31. juli
19.45: KÍ - Radnicki (0-0)
Stroyming: KÍ-Varpið
Til ber at fylgja við ovast á Portalinum og í okkara beinleiðis bloggi. FM1 sendir eisini frá dystinum.
Sambært atgongumerki.fo eru ongi atgongumerki eftir til dystin.
Vinarliga broyt tínar kennifíla - og privatlívsstillingar fyri at síggja hetta innihald