KÍ-kvinnurnar komnar til Kypros

KÍ-kvinnurnar komu í nátt á hotellið í Kypros, har undanbólkaspæl í Champions League verður næstu dagarnar.

Hósdagin er tað meistarin í Sveis, FC Zürich Frauen, sum er mótstøðulið, og leygardagin møta KÍ-kvinnurnar meistararunum úr Kypros, Apollon Ladies FC ella lettisku meistarunum SFK Riga.

Fyrsta umfar í undankappingini verður avgreidd við hálvfinalum og finalu. Tapandi liðini spæla um triðja plássið í bólkinum.

Vinnarin av bólkinum fer víðari til annað umfar í Champions League.

Dystirnir verða leiktir í høvuðsstaðnum Nicosia.