KÍ seks stig frá ÍF/Víkingi/B68

Frá 2000 til 2016 vann KÍ fremstu kvinnudeildina á hvørjum ári. Seinastu árini hevur EBS/Skála vunnið FM, og í gjárkvøldið hjálpti EBS/Skála Kí eitt fet nærri málinum at fáa steypið aftur til Klaksvíkar.

(EBS/Skála tók FM frá KÍ á seinasta leikdegi í 2017 á Eiði - í gjár var EBS/Skála við til at skumpa KÍ tættari FM-heitinum við 1-1 javnleikinum ímóti ÍF/VÍK/B68 í Hólmanum - Mynd: Sverri Egholm) 

KÍ hevur sett seg í sera góðu støðu í 2. hálvu við at vinna á HB og ÍF/VÍK/B68 í oddadystunum. Í gjár vann KÍ eisini 6-1 á Tórsvølli. Talan var um eina lumpisliga uppgávu, tí B36 vann á HB í undanfarna umfari. KÍ lat tó ongan iva verða um útfallið við trimum málum í hvørjum hálvleiki. Evy á Lakjuni gjørdist stóri spælarin við einum hattriki.

EBS/Skála hevur havt gott tak á nýggjara felagsliðnum seinastu innahýsis dystirnar, og gjørdi bart við at sláa táverandi oddaliðið út úr steypakappingini í juni. ÍF/VÍK/B68 er, í mun til hini liðini í deildini; m.a EBS/Skála ið hevur verið til Champions League og spælt tvær hálvfinalur í steypakappingini, ikki í dystarvenjing. Innafyri júst tveir mánaðir hevur liðið bert spælt tveir dystir, og fekk akkurat bjargað einum stigi heim ímóti EBS/Skála, ið hevur ment seg ígjønum árið.

Úrslitini hava við sær, at munurin er seks stig, nú liðini í oddinum hava tríggar dystir eftir at leika. 

B36 - KÍ 1-6 (1-3)

16'		0-1		Evy á Lakjuni
21'		0-2		Victoria á Lakjuni
32'		0-3		Sigrid Jacobsen
59'		1-3	Olga Kristina Hansen
72'		1-4		Evy á Lakjuni
75'		1-5		Sigrun Sirdal
78'		1-6		Evy á Lakjuni

 EBS/Skála - ÍF/VÍK/B68 1-1 (1-0)

45'		1-0	Sunnvá Johansen
85'		1-1		Jacoba Langgaard

1. KÍ (31 stig) - 13 dystir
2. ÍF/Víkingur/B68 (25 stig) - 13 dystir
3. HB (19 stig) - 12 dystir
4. B36 (9 stig) - 13 dystir
5. EBS/Skála (8 stig) - 12 dystir