Kvinnur hjá EBS/Skála skulu til Litava

Í dag var lutakast um hvussu skal spælast í undankappingini í Champions League kappinigni hjá kvinnum. Føroyar verða í ár umboðaðar av kvinnunum úr EBS/Skála, sum gjørdust føroyameistarar seinasta kappingarár.

Lutakastið háttaði seg soleiðis, at EBS/Skála skulu til Litava at leika dystir. EBS/Skála endaðu í bólki saman við Gintra-Univercitetas úr Litava, FC NSA Sofia úr Bulgaria og FC Honka úr Finnlandi.