Kvinnurnar sett kós móti Eysturríki

Í morgin klokkan 16:30 verður seinni dysturin millum kvinnuliðini hjá Føroyum og Eysturríki hesa vikuna.

Og føroyski hópurin er nú á veg til Eysturríkis, og býin Maria Enzerdorff, har dysturin verður leiktur.

(Mynd: Hondbóltssamband Føroya)

Føroyar vóru á odda við nøkrum málum fyrstu minuttirnar í fyrra dystinum millum liðini í Høllini á Hálsi mikukvøldið. Men sum frá leið fóru eysturríksku kvinnurnar framum, og endaðu við at vinna við fimm málum, 29-24.

Talan er um fjórða umfar í bólki 2 í HM-undankappingini, har Eysturríki hevur trý stig, og Føroyar einki hevur. Unga liðið, sum nú er stjórnað av Sonna Larsen, vísti mikukvøldið, at tað væl kann spæla við.

Kringvarpið vísir dystin í sjónvarpinum.

Sí myndir frá fyrra dystinum

Hópurin til dystin:

Málverjar:
Annika Fríðheim Petersen, Nykøbing Falster Håndbold
Rakul Wardum, Skanderborg Håndbold

Vengur:
Turið Arge Samuelsen, Kyndil
Ingibjørg Olsen, ÍBV 
Ninna Katrin Johansen, Aalborg HK
Brynhild Pálsdóttir, H71

Strikur:
Petra Larsen, Neistin
Vár Bentsdóttir Zachariasen, H71
Pernille Brandenborg, Randers HK

Bakkar:
Marianna Geirsdóttir Eystberg, Hellerup IK
Bára Krossteig Hansen, Kyndil
Súna Krossteig Hansen, Kyndil
Maria Halsdóttir Weyhe, H71
Jana Mittún, H71
Elsa Egholm, H71
Lív Bentsdóttir Zachariasen, H71