Lennart Johansson farin

Fyrrverandi forsetin í UEFA, Lennart Johanssen, andaðist í gjár 89 ára gamal. Svenskarin er best kendur fyri sína tíð sum forseti í evropeisku fótbóltssamgonguni UEFA, har hann sat í 17 ár frá 1990 til 2007. Eingin hevur nakrantíð sitið líka leingi sum forseti sum Lennart Johansson.

Svenska fótbóltssambandið skrivar, at Lennart andaðist stillisliga í heiminum í gjár. Hann hevði verið sjúkur í stutta tíð.

Lennart sat sum forseti í UEFA inntil hann tapti valið móti Michel Platini. Hann var eisini varaforseti í FIFA, og í 1998 valdi hann at stilla upp til forsetavalið har, men hann tapti móti Sepp Blatter. Bæði Platini og Blatter løgdu frá sær sum forsetar orsaka av mutursgølum.