Løgdu fyri við 5-0 sigri á Liktinstein

Føroyska badmintonlandsliðið er hetta vikuskiftið til Small States kapping á Kypros. 

Sí eisini: Landsliðið til altjóða kapping á Kýpros

Lagt varð fyri móti Liktenstein, og har vunnu Føroyar greitt. Føroyar vunnu 5-0 í dag, boðar Badmintonssamband Føroya frá.

Harvið vunnu allir føroysku spælararnir. Hetta var fyrsti landsdystur við Wong sum landsliðsvenjara.

Ísland vann eisini sín dyst ímóti Liktenstein í dag 5-0.  Tí verður tað spennandi og avgerandi, hvørt føroyska landsliðið vinnur seinna dystin í bólkaspælinum - hann verður móti Íslandi í morginárini, leygardagin, klokkan 8.

Myndir: Badmintonssamband Føroya

Landsliðið: Bjarnhild í Buð Justinussen (KBF), Lena Maria Joensen (KBF) og Miriam í Grótinum (HBF/KBK í DK), Sanna Thorkildshøj, Mia Thorkildshøj, Jónas Djurhuus (HBF/KBK), Rúni Øster (HBF/KBK), Árant á Mýrini (MBF/ABC Aalborg), Magnus Dal Christiansen (HBF/Drive Frederiksberg) og Christian Berg Petersen (HBF).