Agnar Prestá
Seks dystir í 31. umfari í Premier League eru leiktir í dag:
Fulham - Manchester City 0-2 (0-2)
Brighton - Southampton 0-1 (0-1)
Burnley - Wolves 2-0 (1-0)
Crystal Palace - Huddersfield 2-0 (0-0)
Leicester - Bournemouth 2-0 (1-0)
Manchester United - Watford 2-1 (1-0)
Manchester City byrjaði dagin sum væntað - við at vinna á Fulham, ið er á veg niður í næstbestu deildina. Mál frá Bernardo Silva og Sergio Aguero í 1. hálvleiki avgjørdi dystin. Harvið er er trýstið í oddastríðnum aftur á Liverpool, ið spælir móti Tottenham í morgin.
Ole Gunnar Solskjær fekk sína debut sum fastsettur United-venjari. Tað gjørdist talan um ein umráðandi sigur, men Watford var annars omaná av tað mesta av dystinum. United revsaði teir tó væl í 1. hálvleiki, tá Luke Shaw vann bóltin, og sendi Marcus Rasfhord avstað - áleyparin var ísakaldur. Í 2. hálvleiki, eftir Watford-trýst, økti Anthony Martial við hepnum málið. Vælleikandi útiliðið minkaði um munin, beint sum yvirtíðin byrjaði.
Í Suðurongalndi avgjørdi Southampton-liðformaðurin týðandi dystin móti Brighton. Máliðið hjá dananum Pierre Emil Højbjerg ger, at liðið stendur betri í niðurflytingarstríðnum. Crystal Palace gjørdi sítt móti botnproppinum, og Burnley fekk ein sera góðan sigur.
17.30: West Ham - Everton (6'eren/Viaplay)
Vinarliga broyt tínar kennifíla - og privatlívsstillingar fyri at síggja hetta innihald