McGregor og Khabib fáa leikbann eftir gølu

Conor McGregor og Khabib Nurmagomedov verða nú revsaðir fyri tað sum hendi eftir dyst teirra leygarnáttina. Eftir at Khabib vann dystin, leyp sigursharrin út av oktagon (dystarringurin) og leyp á fleiri áskoðarar.

McGregor var inni í ringinum og royndi at koma fyri seg, tá áskoðarar lupu inn í ringin og lupu á hann. Hann vardi seg við at sláa eftir álopsmanninum.

Dysturin teirra millum varð hildin í T-Mobile Arena í Las Vegas í Nevada, og Las Vegas er háborgin hjá Ultimate Fighting Champion og Mixed Martial Arts ítróttagreinini.

Nú skrivar ESPN, at Bob Bennet, sum er stjóri í Nevada Atletic Commission, hevur avgjørt, at báðir menninir fáa leikbann frá mánadegnum av.

Sagt verður, at Khabib leyp á ein av tættastu vinunum hjá McGregor, meðan menninir ið lupu á McGregor eru úr fylgisskarðanum hjá Khabib.