Meinhard skoraði í sínum fyrsta venjingardysti

Sunnudagin varð Meinhard Egilsson Olsen kunngjørdur í sínum nýggja felagi, Kolding IF.

Les eisini: Meinhard Egilson Olsen skiftir til danskan fótbólt

Nú er hann komin í gongd í Kolding, og fekk kraftmikli vongurin eina góða byrjan í sínum fyrsta venjingardysti.

Hetta var í gjár, hósdagin, har Meinhard varð skiftur inn og skoraði seinasta málið í 3-1 sigrinum. Hetta var seint í dystinum móti Skive.

Skive spælir eina deild undir Kolding, sum er í næstbestu donsku deildini. Liðið hjá 27-ára gamla føroyska landsliðsspælaranum er í løtuni á 7. plássi - beint undir Hillerød - í næstubestu donsku deildini.