Fótbóltur

Mikkel Dahl við frá byrjan

Pætur Petersen, René Shaki Joensen og Heðin Hansen eru aftur millum teir fyrstu ellivu hjá HB. Michal Przybyslki er ikki tøkur fyri B36.

Nýggi áleyparin hjá HB skal royna seg í einari grannauppgerð í sínum fyrsta dysti fyri felagið (Mynd: Sverri Egholm)

Nýggi áleyparin hjá HB skal royna seg í einari grannauppgerð í sínum fyrsta dysti fyri felagið (Mynd: Sverri Egholm)

2020-07-23 18:26 Author image
Agnar Prestá
placeholder

Um eina løtu fer heilt stóri dysturin hesa vikuna í gongd. HB og B36 bresta saman á Tórsvølli.

Tað kemur heldur óvart á, at bæði Jógvan Rói Davidsen og Bartal Wardum byrja á bonkinum hjá HB. Sum skilst hevur Bartal tó ein skaða í rygginum at drigast við. Heðin Hansen er við aftur frá byrjan. Hann spælir í miðverjuni saman við 17-ára gamla Samuel Chukwudi, ið spælir í sínari fyrstu grannauppgerð. Heri Hjalt Mohr byrjar á høgra bakki. Á fremstu plássunum koma tríggir menn inn í byrjanaruppstillingina. René Shaki Joensen og Pætur Petersen byrja inni aftur, og danin Mikkel Dahl spælir sín fyrsta dyst fyri HB. Øssur Dalbúð er við aftur á bonkinum.

Hjá B36 er tað ein smeitur, at Michal Przybylski, ið hevur skorað átta mál í ár, ikki er førur fyri at spæla. Álopskendi miðvallarin noyddist út við skaða í dystinum móti KÍ her fyri ellivu døgum síðani, tá B36 vann 6-2 og Michal skoraði tvey mál. Annars er einki, ið loypir hvøkk á hjá B36, har góð kort kunnu setast inn frá bonkuinum.


Soleiðis síggja liðini út til slagið um Havnina:


HB (4-3-3): Teitur Matras Gestsson (L) - Heri Hjalt Mohr, Heðin Hansen, Samuel Johansen Chukwudi, Daniel Johansen - Mathias Nygaard, Mikkel Frankoch, Dan í Soylu - René Shaki Joensen, Mikkel Dahl, Pætur J. Petersen

Bonkur: Jákup Højgaard, Jógvan Rói Davidsen, Bartal Wardum, Ási Dam, Hilmar Leon Jakobsen, Øssur Dalbúð, Áki Samuelsen

B36 (4-3-2-1): Rói Mørk Hentze -Benjamin Heinesen, Andrias Høgnason Eriksen (L), Sonni Ragnar Nattestad, Alex Mellemgaard - Erlendur Magnusson, Eli Falkvard Nielsen - Árni Frederiksberg, Stefan Radosavljevic, Meinhard Egilsson Olsen - Sebastian Pingel

Bonkur: Símun Rógvi Hansen, Magnus Holm Jacobsen, Bjarni Petersen, Hugin Samuelsen, Hannes Agnarsson, Andreas Thomsen, Brian Jakobsen 

Fyrsta bríksl á Tórsvølli er klokkan 19.00. Fylg við støðuni á forsíðuni hjá Portalinum. 

Støðan í oddinum
1. NSÍ (32 stig) *
2. HB (31 stig) 
3. KÍ (29 stig) *
4. B36 (28 stig)  

*Ein dyst fleiri

Les eisini: Slagið um Havnina er slagið um sera týdningarmikil stig í oddinum

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder