Myndir: Fyrsta venjing í “kuldanum” í Aserbadjan

Baku, Aserbadjan (Portalurin) - Føroyska A-landsliðlð hjá monnum hevur havt sína fyrstu venjing í Aserbadjan fram ímóti dystinum leygarkvøldið. Venjingin var í útjaðaranum í Baku; nakað burtur frá glæsiliga miðbýnum.

Vøllurin var góður, og lagið var gott, tó tað var eitt kalt lot. Tó ikki nakað óvanligt fyri føroyingarnar. Tað snúði seg um at fáa longu ferðina úr beinunum, og tað varð ikki koyrt nógv á leikararnar. Tað kom tó inntensitetur á í dystinum millum teir eldru og teir yngru, har teir eldru vunnu 2-1.

Undan dystinum var taktisk venjing eina løtu, har dentur varð lagdur á verjupartin. Liðið var sett upp í somu leikskipan sum seinast, har var tó eingin áleypari; Klæmint A. Olsen og Jákup L. Thomsen vóru fyri seg sjálvar og skutu uppá mál. Tað er sannlíkt, at Klæmint byrjar inni, nú Jóan Símun Edmundsson og Finnur Justinussen eru skaddir. Tað sær út sum, at Sølvi Vatnhamar, ið er við aftur eftir skaða, avloysir leikbannaða René Shaki Joensen.

Brandur H. Olsen vandi ikki við seinastu løtuna, tí hann hevur trupulleikar við tánni. Sonni Ragnar Nattestad gavst stutt áðrenn venjingina orsakað av knænum. Tað tykist tó eingin vandi fyri, at teir ikki verða tøkir leygardagin.

(Føroyska uppstillingin sær í løtuni soleiðis út (4-5-1): Gunnar Nielsen - Gilli Rólantsson Sørensen, Odmar Færø, Atli Gregersen, Sonni Ragnar Nattestad, Viljormur Davidsen - Sølvi Vatnhamar, Rógvi Baldvinsson, Hallur Hansson, Brandur Hendriksson Olsen - Klæmint A. Olsen)

Sølvi Vatnhamar, Meinhard E. Olsen, Hallur Hansson og Atli Gregersen

Lars Olsen, landsliðsvenjari

Hans Erik Danielsen og Andrass Thomsen, FSF

Hallur Hansson og Sonni Ragnar Nattestad

Jóannes Bjartalíð og Odmar Færø

Árni Frederiksberg

Kristian Joensen og Gunnar Nielsen, málverjar

Kristin Dam Ziska, Bárður Lava Olsen og Andrass Thomsen, FSF

Kaj Leo í Bartalsstovu og Magnus Egilsson

Heini Vatnsdal

Hallur Hansson og Viljormur Davidsen

Magnus Egilsson