Myndir: Heppin sigur á Tórsvølli

Tað kom bara eitt mál í vinardystinum millum Føroyar og Andorra, sum í kvøld var leiktur á Tórsvølli. Úrslitið gjørdist 1-0 til Føroyar.

Hetta er seinni dysturin millum hesi bæði liðini seinastu dagarnar. Fyrri dysturin varð leiktur í Klaksvík leygardagin, og tá var føroyska liðið greitt omaná og vann 3-1.

Í dag var meira javnt, og vit skulu vera glað fyri at Andorra ikki fekk bóltin í netið. Møguleikarnir vóru har.

Einsamalla málið í dag skoraði Sanna Svarvadal tá 77 minuttir vóru leiktir, og hetta er samstundis fyrsta málið, hon skorar fyri føroyska landsliðið.

Kvinnulandsliðið skal aftur í eldin í september, tá Ukraina og Skotland eru á vitjan í HM-undankappingardysti.

Føroyar - Andorra 1-0 (0-0)
77' Sanna Svarvadal