Næstan útselt til fríggjakvøldið

Fríggjakvøldið vitjar Malta á Tórsvølli í fyrsta dystinum í UEFA Nations League. 

FSF boðar seinnapartin frá, at tað næstan er útselt til dystin. Færri enn 300 atgongumerki eru eftir, og tað gongur skjótt og væl at selja í løtuni. 

Frá Fótbóltssambandinum frætta vit, at tað verður helst útselt skjótt.

Dysturin byrjar klokkan 19.45 fríggjakvøldið, og til ber at keypa atgongumerki á heimasíðuni hjá FSF.