Natasja og Inga Maria stóran leiklut í bjargingini hjá Stjarnuni

Eftir stórt drama á seinasta leikdegi í niðara endaspælinum fyri stórum mánaða sínum, megnaði Stjarnan at sleppa sær av aftasta plássinum í fremstu íslendsku deildini.

Sí seinastu løtuna móti Haukum og les meira her

Har áttu Natasja Hammer og Inga Maria Roysdóttir stóran leiklut, og tað gjørdu ungu føroysku spælararnir eisini í play-off dystunum. Neyðugt var at vinna tríggjar slíkar fyri at endaliga vissa sæti í deildini.

Tað var nær við at ganga galið hjá Stjarnuni í hesum upp- og niðruflytingardystunum. Grótta úr næstbestu deildini vann tveir teir fyrstu, Stjarnan javnaði síðani sunnudagin til 2-2 í dystum við stórsigri, men í fimta og avgerandi dystinum í gjár var Grótta á odda 16-10 í steðginum.

Harvið skuldi eitt megnaravrik til eftir steðgin hjá Stjarnuni, og tað kom liðið eisini við. Tað endaði 25-23 til Stjarnuna, sum harvið fekk skil á verjuna, og føroysku álopsprofilarnir gjørdu sanniliga sítt.

Inga Maria Roysdóttir, ið skoraði bjargandi málið í apríl, varð toppskjútti við seks málum. Natasja Hammer skeyt fimm mál, og áttu føroysku duellspælararnir fleiri góðar atgerðir.

Inga Maria Roysdóttir, her í dysti fyri Kyndil, hevur havt eitt gott fyrsta kappingarár í Íslandi, hóast tað hevur verið tungt hjá liðnum. Lámi bakspælarin heldur fram í felagnum (Mynd: Sverri Egholm)

Samanlagt hava Natasja og Inga Maria havt stóran leiklut í bjargingini hjá Stjarnuni. Harvið halda tær og felagið fram í fremstu íslendsku deildini næsta ár. 

Báðar hava longt sáttmálan við Stjarnuna hóast aðrar møguleikar. Millum annað hevði Natasja Hammer nøkur spenanndi tilboð aðrastaðni í Evropa.