Nestin og H71 vunnu ársins fyrstu steypafinalur

Gentur 16 hjá Neistanum gjørdust fyrstu vinnararnir í Faxe Kondi steypafinalunum í ár.

Hetta var eftir 29-27 sigur á H71. Hoyvíksgentur vóru annars omaná eina góða løtu - og eina løtu eftir steðgin var munurin trý mál. Men tíggju minuttir seinni vóru neistagenturnar á odda við trimum málum. Tað bar eisini á mál hjá teimum blákløddu.

Eftir dystin var Sigrið Hansdóttir heiðrað sum besti leikari í dystinum. Kviki bakspælarin spældi í síðstu viku hálvfinalur fyri besta liðið hjá Neistanum.

Sigrið Hansdóttir (Mynd: Hondbóltssamband Føroya/Andrei Antal)

Sí dystin her

H71 er annars í finalunum í øllum aldursbólkum hjá dreingjum og gentum. Og hjá dreingjum 16 fór gullið stuttan veg.

Tað var annars hugaligt at síggja eitt VB-lið  í einari A-finalu. Vágbingar smæddust heldur als ikki burtur móti favorittunum úr Hoyvik, men tað endaði við 37-28 sigri til H71.

Dagsins leikari var kosin Jónas Poulsen hjá H71. Málverjin hevði yvir 15 bjargingar í finalusigrinum.

Dagsins spælari: Jónas Poulsen 

Fegnir hoyvíkingar (Myndir: HSF)

Sí dystin millum H71 og VB HER

Í morgin, leygardagin 21. febuar, verða heili 10 finalur spældar við Tjarnir. Talan er um gentur og dreingir 10 og 12 - síðani eru tað tey vaksnu um kvøldið.

Hoyr eisini: Stórt steypafinaluradio: - Hetta er tí man spælir hondból