Nógv kann verða avgjørt áðrenn klokkan 17 sunnudagin

Í 25. umfari gjørdist tað væl minni spennandi í FM-stríðnum, nakað minni spennandi í evropeiska stríðnum men meira spennandi í botnstríðnum

Les eisini: 
NSÍ kann gerast føroyameistari um eina viku
HB hevur nærum tryggjað evropeiska luttøku næsta ár
Ein sigur og fýra stig eftir summarsteðgin: AB er fullkomiliga steðgað upp

Hetta hevur millum annað við sær, at ein FM-vinanri kann verða funnin, eins og tað síðsta evropeiska liðið.

NSÍ gerst meistari um: NSÍ fær stig móti HB, ella um KÍ ikki fær stig móti B36

HB tryggjar Conference League-pláss um: HB vinnur á NSÍ, fær betri ella sama úrslit sum B36 fær móti KÍ, ella um B36 ikki vinnur á KÍ

Sostatt er ikki ósannlíkt, at eingin spenningur verður um gullið ella nakað evropeiskt pláss á seinasta leikdegi. NSÍ, KÍ og Víkingur, síðstnevnda við steypagulli, hava longur tryggjað evropeiska luttøku til 2027.

Í botninum er ógvuliga tætt. Men av tí at tvey tey niðastu liðini hittast, so kann okkurt verða avgjørt sunnudagin.

B68 skal vinna á 07 Vestur fyri at hava veruleikakendan møguleika fyri at halda sær í deildini. Um toftamenn, sum vunnu í Klaksvík sunnudagin, tapa, so er liðugt. 

07 Vestur kann kanska brúka ein javnleik - eitt tap sendir 07 ógvuliga nær 1. deild. Og serlgia um AB samstundis vinnur á Skála.

26. og næstseinasta umfar í Meistaradeildini hjá monnum
Sunnudagin 25. oktober 
NSÍ - HB 
B36 - KÍ
Víkingur - EB/Streymur
Skála - AB
07 Vestur - Skála

Allir dystirnir byrja klokkan 15

FM1 og Portalurin fara at gera nógv burturúr við frásagnum, myndum, samrøðum og øðrum 

Soleiðis sær støðan út, nú tvey umfør resta í