Fótbóltur

North London derby er høvuðsrætturin

Tann fyrsti av teimum sjey dystunum í Premier League er tann størsti og mest spennandi á pappírinum - Champions League pláss eru uppá spæl í London-uppgerðini.

Mynd: EPA

Mynd: EPA

2019-03-02 10:45 Author image
Agnar Prestá
placeholder

28. umfar í Premier League varð leikt í miðvikuni, og nú í vikuskiftinum er 29. umfar á skránni. Í dag verða sjey dystir leiktir: 

12.30: Tottenham - Arsenal (TV3+/Viaplay)

15.00: Bournemouth - Manchester City
           Brighton - Huddersfield
           Burnley - Crystal Palace
           Manchester United - Southampton (6'eren/Viaplay)
           Wolves - Cardiff

17.30: West Ham - Newcastle (6'eren/Viaplay)

Tann fyrsti dysturin á leikskránni vekir mest áhuga. Manchester City kann leggja seg á odda við sigri í Suðuronglandi, har ein týðandi botndystur eisini er á skránni. Tað er eisini ein slíkur í Burnley, og á Old Trafford er tað liðið hjá Solskjær, ið stríðist fyri fjórða plássinum móti Southampton, ið fekk ein umráðandi sigur í botnstríðnum mikukvøldið. Men hóast alt hetta er tað í London, at brakið er á skránni.

Tað plagar at vera ógvuliga inntenst, tá Tottenham og Arsenal hittast, og tað var tað eisini, tá liðini spældu tíðliga í desember á Emirates leikvøllinum. Liðini fingu bæði bót, tí tað bleiv rok, tá Tottenham javnaði 1-1. Heimaliðið vann tó uppiborið 4-2 í einum undirhaldandi dysti. Stórar tvær vikur seinni vann Tottenham 2-0 á sama leikvølli í Carabao Cup kvartfinaluni.

Bert fýra stig skilja liðini á stigatalvuni, og eftir tvey tap á rað hjá Tottenham eru tey trý liðini aftanfyri komin tættari uppá. Um Arsenal vinnur í dag, og United og Chelsea eisini fáa fult í vikuskiftinum, so er Champions League-plássi hjá Tottenham veruliga hótt. Hetta er hóast tað, at Harry Kane er komin aftur. Møguleikin fyri meistaraheitinum er sera nógv minkaður hjá Tottenham, meðan Arsenal hevur vunnið tríggjar dystir á rað.

Hjá Tottenham eru Dele Alli (baklær) og Eric Dier (sjúka) framvegis úti. Jan Verthongen, ið misti dystin ímóti Chelsea, er ivasamur, og tað er Harry Winks. Hjá Arsenal eru nakrir leikar, mest týðandi Bellerín, langtíðarskaddir. Laurent Koscielny er allarhest tøkur. Tottenham er lítil favorittur á pappírinum, og lagt er upp til ógvuliga spennadi dyst. 

Støðan: 

Liverpool

 

69 stig

2

Manchester City

 

68 stig

3

Tottenham Hotspur 

 

60 stig

4

Arsenal 

 

56 stig

5

Manchester United

 

55 stig

6

Chelsea *

 

53 stig

7

Watford 

 

40 stig

8

Wolverhampton 

 

40 stig

9

Everton 

 

36 stig

10

West Ham 

 

36 stig

11


Leicester 

 

35 stig

12

AFC Bournemouth

 

34 stig

13

Newcastle 

 

31 stig

14

Crystal Palace 

 

30 stig

15

Burnley 

 

30 stig

16

Brighton & Hove Albion *

 

27 stig

17

Southampton

 

27 stig

18

Cardiff

 

25 stig

19

Fulham 

 

17 stig

20

Huddersfield Town 

 

14 stig

Ein dyst færri

placeholder
placeholder