Fótbóltur

NSÍ hevur flutt oddadystin

NSÍ og HB skulu spæla sunnukvøldið klokkan 19 - Vit vilja geva fólkið møguleikan at síggja dystin og síggja fleiri dystir ein sunnudag, sigur Dánial Hansen.

NSÍ og HB hittast sunnukvøldið við Løkin - Mynd: Jens Kr. Vang

NSÍ og HB hittast sunnukvøldið við Løkin - Mynd: Jens Kr. Vang

2019-08-08 16:44 Author image
Agnar Prestá

Í annaðkvøld byrjar 18. umfar í Betrideildini við einum braki, tá KÍ tekur ímóti Víkingi á Summar Festival. Tað verður væntandi góðveður í Klaksvík og yvir 1000 áskoðarar við Djúpumýru, har liðini skulu spæla um sera umráðandi stig í oddinum.

Umfarið endar eisini við einum oddadysti. Upprunaliga skuldu NSÍ og HB spæla klokkan 15.00, tá hinir tríggir dystirnir sunnudagin verða, men NSÍ hevur, sambært in.fo, valt at flyta dystin til klokkan 19.00: 

- Tað er fyri at ikki hava alt í senn. Vit vilja geva fólkið møguleikan at síggja dystin, og síggja fleiri dystir ein sunnudag. Tað er eisini eitt ynski frá venjaratoyminum, so teir kunnu síggja aðrar dystir,

Hetta sigur Dánjal Hansen, formaður í NSÍ, við Sosialin. Hann heldur, at tað er óahugavert at bert síggja ein dyst hvønn sunnudagin, og at dystur i Føroyum skuldu ligið á meira ymiskum tíðspunkum, eins og í til dømis í Danmark. 

Dysturin sunnukvøldið hevur ógvuliga nógv at siga og við botnbrakinum á Argjum, afturat oddadystinum í Klaksvík í morgin, er talan um eitt óhugnaliga spenanndi og týdningarmikið umfar - bæði í oddi og botni

18. umfar: 

Fríggjadagin 09.08:

(18.15): KÍ-Víkingur 

 

Sunnudagin 11.08: 

15.00:

AB-ÍF 

TB-Skála 

B36-EB/Streymur

19.00:

NSÍ-HB  

Støðan: 
1. KÍ (35 stig) 15 dystir
2. NSÍ (35 stig) 15 dystir
3. Víkingur (35 stig) 17 dystir
4. B36 (35 stig) 15 dystir
5. HB (34 stig) 17 dystir
6. Skála (21 stig) 17 dystir
7. TB (18 stig) 17 dystir
8. EB/Streymur (9 stig) 17 dystir
9. AB (8 stig) 17 dystir
10. ÍF (5 stig) 17 dystir


placeholder
placeholder