NSÍ og Troest gjørt nýggjan sáttmála

Hann kom aftur til NSÍ úr HB undan kappingarbyrjan. Verjuleikarin spældi 22 dystir í Betri-deildini í ár, og hann hevur tilsamans spælt 276 dystir í deildini. Nú hevur Jóhan Troest Davidsen skrivað undir nýggjan sáttmála við barndómsfelagið.

Heimasíðan hjá NSÍ skrivar seinnapartin, at royndi miðverjin verður verandi í NSÍ, har tað verður bygt rundanum hann. Á síðuni stendur eisini, at flestu leikararnir halda fram í NSÍ. 

Higartil er ein av avgjørdu profilunum, Árni Frederiksberg farin úr felagnum. NSÍ skal eisini hava nýggjan venjara, eftir at Sámla Erik Hentze hevur skift til Víking  aftur. Í dag skrivar bolt.fo, at royndi íslendski venjarin, Guðjón Tórðarson allarhelst tekur yvir í Runavík.