
Júst 25 ár eftir stovningardagin hjá Flogbóltssambandinum, 1. apríl 1980, varð lagt til brots við Bónus-steypakappingini 2025.
Í síðstu viku gjørdust menninir hjá Mjølni føroyameistari fyri sjeyndu ferð á rað eftir gysara á Giljanesi hósdagin, og 22. mars tryggjaðu Fleyr-kvinnurnar sær FM-heiti.
Sí eisini: Fleyr vann 3-2 á SÍ og er føroyameistari
Føroyameistararnir løgdu fyri við sigri í steypakappingini
Sum nakað nýtt verður steypakappingin nú spæld, eftir at FM-stríðið í flogbólti er av. Tað vóru føroyameistararnir úr Fleyr og Mjølnir, sum løgdu fyri hjá kvinnum í gjár.
Mjølnir vann fyrsta settið 25-23 eftir góð "comeback", men Fleyr vann síðani 25-18, 25-23 og 25-15 og harvið dystin 3-1 í settum. Flogbóltssambandið skrivar, at Anja S. Danielsen var rættiliga avgerandi við at vinna nógvar bóltar á vinstra kanti.
Í kvøld klokkan 19 spæla hini bæði liðini í bólkinum, Dráttur og Ternan, á Giljanesi.
Týdningurin av sigrinum hjá Fleyr kann verða stórur, tí sannlíkt er nú, at Fleyr vinnur bólkin og skal tí spæla ímóti nr.ummar2 úr bólki 1 í hálvfinaluni. Í bólki 1 eru KÍF, TB og FM-silvurvinnarin SÍ. Mjølnir hevur framvegis góðar møguleikar at koma í hálvfinaluna, men skal so mest sannlíkt spæla ímóti vinnaranum av bólki 1, staðfestir Flogbóltssambandið.
Nógvir dystir næstu vikurnar - finalurnar verða spældar 26. apríl
Hálvfinalurnar verða spældar á Giljanesi leygardagin 19. apríl. Finalurnar verða spældar í ítróttarhøllini Inni í Dal á Sandi leygardagin 26. apríl.
Hjá kvinnum er tveir bólkar í innleiðandi kappingini. Í bólki 1 eru SÍ, TB og KÍF. Í bólki 2 eru Dráttur, Fleyr, Mjølnir og so Ternan, sum annars spælir í næstbestu deildini. Tvey tey liðini bestu úr hvørjum bólki halda fram í kappingini, har nr. 1 spælir ímóti nr. 2 í hinum bólkinum í hálvfinalunum.
Hjá monnum eru tað tey fimm liðini í Polestar-deildini, Mjølnir, SÍ, Fleyr, ÍF og Ternan, sum kappast um tey fýra plássini í hálvfinalunum í Bónus steypakappingin, har nr. 1 spælir ímóti nr. 4, og nr. 2 spælir ímóti nr. 3.
Dystarskráin fyri Bónus steypakappingina:
Kvinnur:
Bólkur 1:
05/04 SÍ – TB
09/04 KÍF – SÍ
13/04 TB – KÍF
Bólkur 2:
Í gjár, 01/04 Fleyr – Mjølnir (3-1)
02/04 Dráttur – Ternan kl. 19:00
05/04 Mjølnir – Dráttur kl. 19:00
06/04 Fleyr – Ternan kl. 13:00
12/04 Dráttur – Fleyr kl. 13:00
12/04 Ternan – Mjølnir kl. 16:00
Menn:
03/04 Fleyr – SÍ kl. 19:00
04/04 Mjølnir – Ternan kl. 19:30
05/04 Fleyr – ÍF kl. 13:00
07/04 Mjølnir – Fleyr kl. 19:00
08/04 SÍ – ÍF kl. 19:00
10/04 ÍF – Mjølnir kl. 19:00
11/04 Ternan – Fleyr kl. 19:00
13/04 SÍ – Mjølnir kl. 13:00
13/04 ÍF – Ternan kl. 19:00
15/04 Ternan – SÍ kl. 19:00
19/04 Hálvfinalur á Giljanesi
26/04 Finalur á Sandi
Allir dystirnir verða vístir í Televarpinum.
Vinarliga broyt tínar kennifíla - og privatlívsstillingar fyri at síggja hetta innihald