Fótbóltur

Nú skal HB av álvara standa sína roynd

Teir reyð-svørtu skulu í kvøld spæla tí fyrru av tveimum stóruppgerðum innan eina viku í Gundadali. Víkingur skal støgða Adrian Justinussen.

Eftir dystir, og sigrar, móti EB/Streymi, ÍF og AB skal HB nú royna seg móti topp-fimm liðið (Mynd: Sverri Egholm)

Eftir dystir, og sigrar, móti EB/Streymi, ÍF og AB skal HB nú royna seg móti topp-fimm liðið (Mynd: Sverri Egholm)

2020-05-28 12:38 Author image
Agnar Prestá
placeholder

HB og Víkingur hava í hesum kappingarárinum havt heilt ymiskar upplivingar á Argjum. Í 1. umfari megnaði Víkingur ikki at skora móti AB - HB skoraði fimm mál teir fyrstu tjúgu minuttirnar á Argjum seinasta sunnudag. Fýra av teimum setti Adria Justinussen í kassan. Trý av málunum komu eftir beinleiðis fríspark, og eitt kom eftir dribbling frá Adrian og eitt hart skot upp í longra málhorn. Fyrsta málið hjá HB var eitt upplegg frá nummar 7, tá hann sendi eitt gott fríspark inn í HB-brotsteigin, ið Øssur Dalbúð bert skuldi seta fótin á. 

[object Object]

[object Object]
Adrian Justinussen í hopla (Myndir : Jens Kr. Vang)

[object Object]
Víkingur stríddist við AB í 1. umfari og fekk bert eitt stig - síðani hevur liðið vunnið báðar dystirnar

Víkingarnir vita væl av, at sjey'arin hjá HB skal tálmast: - Eg havi ikki sæð nógv til HB í ár, men eg veit bara, at Adrian helst ikki skal sleppa at skjóta - er tað ikki grundreglan? Soleiði segði liðformaðurin hjá teimum ljósabláu, Atli Gregersen, til seinast í samrøðuni við Portalin eftir 1-0 sigurin á NSÍ í Sarpugerði seinasta fríggjakvøldið. Ein sigur sum sambært Gunnari Vatnhamar vísti, at Víkingur eisini er við millum tey framstu 

Les eisini: -Noyðast aftur at geva 110 prosent

Men hvat so við Adrian? Serliga Víkingur - felagið ið Adrian spældi fyri fram til summarið 2013 - hevur kent sviðan av hansara dygdum seinastu árini.  Fýra mál í trimum dystum í 2018 (allar dystirnar), eitt hattrikk í uppgerð í Gundadali í fjør, umframt eitt frísparksmál í steypafinaluni í fjør. Adrian Justinussen skoraði eisini hattrikk, tá Víkingur og HB hittust í finaluni í Venjarakappingini í februar og eitt mál úr áleið 45 metrum í venjingardysti í Sarpugerði í farna mánaði. Toppskjúttin í deildini vísur í samrøðu við Portalin á, at HB skal halda góða stiman og vísa yvirskot - og hann fer sjálvandi aftur eftir at skora mál

Les eisini: -Vónandi verður tað eitt hattrikk aftur

HB spælir í kvøld uttan fyrrverandi vìkingin Heðin Hansen. Hann hevur spælt í miðverjuni hjá havnarfelagnum í ár men varð vístur út longu eftir eitt korter á Argjum fyri at kasta bóltin eftir mótstøðuleikara, ið hevði sparkað bóltin á Heðin, meðan hann lá niðri. Tá var støðan longu 3-0 til HB, og hon gjørdist 4-0, tá bóturin fór í spæl aftur takkað verður einum Adrian-frísparki. Daniel Johansen fekk reytt kort í Fuglafirði í 2. umfari fyri at sparka bóltin burtur, og samanlagt hevur HB næstan spælt líka leingi við tíggju monnum sum við ellivu í ár:

- Í seinastu dystunum hava vit spælt í undirtali leingi, so vónandi fáa vit einki reytt kort hendan dystin, tí nú er mótstøðan nógv sterkari, enn hon hevur verið farnu dystirnar, sigur Adrian Justinussen.

[object Object]
Heðin Hansen er ikki tøkur í kvøld orsaka av reyða kortinum seinast (

Delphin Tshiembe, sum varð spardur móti AB, fer allarhelst at manna miðverjuna saman við Bartal Wardum í kvøld. Daniel Johansen er tøkur aftur á vinstra bakki eftir leikbannið, nú HB av álvara skal royna seg móti einum av ovaru liðunum í ár - hetta verður fyrsta stóra royndin hjá liðnum hjá Jens Berthel Askou, ið eisini hevur eina grannauppgerð mánadagin. Í teimum trimum undanfarnu dystunum er bert eitt mál farið inn hjá Teiti Gestssyni.

Víkingur vísti veruliga styrki í pørtum av dystinum móti NSÍ. Í kvøld er uppgávan aftur stór - størri á pappírinum - men víkingarnir koma til høvuðsstaðin við fullari manning, ið er roynd og hsum hevur nógv sjálvsálit. 

[object Object]Lukasz Cieslewicz hevur seinasta áratíggju spælt eina rúgvu av grannauppgerðum móti HB fyri B36 (Mynd: Sverri Egholm)

Fyrsta bríksl í Gundadali í kvøld verður klokkan 17. Vit eru á staðnum, dagføra frá dystinum og hava ymiskt tilfar frá honum.

4. umfar í Betrideildini

NSÍ - ÍF 5-0 (1-0)
8' Klæmint Olsen (Petur Knudsen) 1-0
50' Klæmint Olsen (Mórits Heini Mortensen) 2-0
57' Morits Heini Mortensen (Klæmint Olsen) 3-0
60' Klæmint Olsen (Jann Julin Benjaminsen) 4-0
76' Betuel Hansen (Jann Julin Benjaminsen) 5-0

NSÍ (5-3-2/3-5-2): Tórður Thomsen - Jákup Jakobsen, Jóhan Troest Daivdsen, Rógvi Egilstoft Nielsen - Bárður Jógvansson Hansen, Mórits Heini Mortensen, Betuel Hansen, Aron Knudsen, Jann Julin Benjaminsen - Klæmint Andrasson Olsen (L), Petur Knudsen

ÍF (4-2-3-1): Milos Budakovic - Sjúrður Pauli Nielsen, Tóri Nolsøe Olsen, Jan Ólavsson Ellingsgaard (L) (28' Sámal Joensen), Andy Olsen - Hákun Edmundsson, Bogi Løkin - Dànjal á Lakjuni (24' Gundur Ellingsgaard Petersen), Filip Djordjevic, Ari Ólavsson Ellingsgaard - Uros Stojanov
 
Myndir frá dystinum

TB - B36 1-3 (1-2)
6' Michal Przybylski 0-1
29' Poul Ingason (John Villi Wøldike Leo) 1-1
40' Sonni Ragnar Nattestad 1-2
48' Meinhard Olsen 1-3

TB (4-2-3-1): Meinhardt Joensen - Eirikur Ellendersen, Ndende Adama Gueye, Rasmus Møller, Sebastian Kroner - Dánjal Godtfred, John Villi Wøldike Leo - Jens Erik Bruhn, Rógvi Joensen, Einar Thorsteinsson - Poul Ingason

B36 (4-1-4-1): Mattias Lamhauge - Benjamin Heinesen, Erlendur Magnusson, Sonni Ragnar Nattestad, Alex Mellemgaard - Eli Falkvard Nielsen - Árni Frederiksberg, Stefan Radosavljevic, Michal Przybylski, Meinhard Egilsson Olsen - Sebastian Pingel

Myndir frá dystinum

Støðan: 

1. B36 (12 stig) *
2. NSÍ (9 stig) *
3. HB (9 stig) 
4. Víkingur (7 stig)
5. KÍ (6 stig)
6. EB/Streymur (3 stig) 
7. ÍF (3 stig)*
8. AB (1 stig) 
9. TB (0 stig) *
10. Skála (0 stig)

*Ein dyst fleiri

Les eisini: B36 og NSÍ avgjørdu tíðliga í 2.há
lvleiki

Hósdagin 28.05: 
17.00: HB - Víkingur

19.00: KÍ - EB/Streymur
           Skála - AB

placeholder
placeholder